7th Cebu National Gamefowl Expo 2024: Isang Malaking Pagtitipon sa Visayas!

Paghandaan na ang isa sa pinakainaabangang kaganapan sa mundo ng sabong! Ang 7th Cebu National Gamefowl Expo 2024 ay gaganapin mula Nobyembre 15-17, 2024, sa IEC Convention Center, Cebu City. Ang event na ito ay magbibigay-daan sa isang showcase ng mga winning lines ng mga sikat na breeders upang makatulong na i-upgrade ang iyong bloodlines sa farm.

Hindi lamang ito isang pagkakataon upang makita ang mga de-kalidad na bloodlines, kundi isa ring oportunidad na makilala ang mga champion breeders mula sa Luzon, Visayas, at Mindanao. 

Ang ating mga SabongTV partners ay makakasama rin sa event! Bisitahin ang mga booths ng Thunderbird, Lakpue Drug Inc, VNJ Distributors Inc, at Supremo Infinity upang malaman ang tungkol sa kanilang mga bagong produkto at makilala ang kanilang mga endorsers na dadalo para sa ating mga ka-SabongTV sa Cebu.

At syempre, ang SabongTV ay isa sa mga media partners ng event na ito. Huwag palampasin ang pagkakataon na makadalo sa 7th Cebu National Gamefowl Expo 2024. Kita-kits tayo doon, mga ka-SabongTV!

Pambihirang Tagumpay sa 2024 Master Breeders Cup 11 Stag National Derby Early Bird Edition

Isang makasaysayang laban ang naganap noong 2024 Master Breeders Cup 11 Stag National Derby Early Bird Edition, kung saan kabuuang 3,470 na entries mula sa iba't ibang panig ng Pilipinas ang lumahok. Sa tindi ng kompetisyon, nagtagisan ng galing at tibay ang mga entry sa buong bansa upang makamit ang inaasam-asam na titulo at bahagi ng garantisadong premyo na 27.760 milyong piso.

Sa huli, dalawa sa mga pambihirang sabungero ang nangibabaw. Una, si Congressman Sonny Lagon na nakapagtala ng 10.5 puntos sa kanyang entry na Ako Bisaya 2025/ Domz152 2 para sa GAPP National. Isa pang kampeon ay si Helbert Casas mula sa GAPP Davao sa pamamagitan ng kanyang entry na 2HG The Storm Breaker. Si Casas ay nagpakitang-gilas muli bilang back-to-back champion dahil siya rin ang nagwagi sa 2023 Master Breeders Cup 11 Stag National Derby Early Bird Edition.

Isang malaking pagbati sa lahat ng mga nagwagi! Asahan ang mas kapanapanabik na aksyon sa susunod na edisyon ng 2024 Master Breeders Cup na tiyak na babalikan ng mga sabungero at sabungera sa buong bansa.

Huwag kalimutang tutukan ang SabongTV tuwing Sabado ng alas-8 ng umaga sa One Sports Channel upang makasagap ng pinakabagong balita at kaganapan sa mundo ng sabong.

Biboy Enriquez ng Firebird Gamefarm, Solo Champion sa Cebu Pit Fighters Group 7 Stag Big Event Derby

Ang kilalang host ng Supremo Infinity Legend Tips na si Biboy Enriquez ng Firebird Gamefarm ay nagtagumpay bilang Solo Champion sa prestihiyosong Cebu Pit Fighters Group 7 Stag Big Event Derby na ginanap noong Agosto 27, 28, at 29, 2024, sa Nustar Resort and Casino.

Kasama ang kanyang mga Firebird Angels na sina Lunelyn, Angela, at MJ, nakuha ni Biboy ang kahanga-hangang score na 6.5, dala ang entry name na "5 Stag Nov 9 1.1M." Ang kanilang tagumpay ay nagpapakita ng husay at dedikasyon ng buong Firebird Gamefarm team.

Mula sa iyong SabongTV family, isang malaking pagbati kay Biboy Enriquez at sa buong koponan ng Firebird Gamefarm! Patuloy na suportahan si Biboy sa kanyang mga episode ng Supremo Infinity Llamado Tips dito sa aming website at tuwing Sabado, 8 AM, sa One Sports Channel.