Medyo dumarami na rin ang mga kababaihan na sumasali at pumapasok sa larangan ng sabong. May iba nga sa kanila na nag-iwan na ng marka sa sport na ito. At may ilan na rin na nagiging matunog ang pangalan sa sabongan. Isa sa mga kilalang pangalan ngayon ay si Budjit "Bunso" Aguilar ng 'Mayor Nene and Budjit Bunso Aguilar Breeding Farm.
Kung may kasikatan man ang kanyang pangalan, ito’y dahil siya ay anak ng batikang magmamanok na si Mayor Nene Aguilar. At tulad ng kanyang ama, siya rin ay naging matinik sa ruweda. Noong Hulyo 2024, si Budjit ay naging unang kampeon sa AAA Lucky Son 7-Stag Derby na naganap sa Manila Arena. Nakakuha siya ng perfect 7 points sa kanyang entry na “Papa Striker Sept 12 6 Stag Zapote Cockpit.”
Sa kanyang tagumpay, masasabi nating hindi talaga nalalayo ang galing at suwerte ng anak sa ama. Congratulations muli kay Budjit "Bunso" Aguilar. Mapapanood din siya sa mga nakaraang episode ng Thunderbird: Passion sa Tagumpay ng SabongTV dito at dito.
Ang pag-usbong ng mga kababaihan sa sabong ay isang magandang indikasyon ng mas malawak na pagtanggap at pagkilala sa kakayahan ng bawat isa, anuman ang kasarian, sa mundo ng sabong.
Comments